శ్లోకం 111

పుణ్యకీర్తి పుణ్యలభ్యా పుణ్యశ్రవణ కీర్తనా |
పులోమజార్చితా బంధమోచనీ బంధురాలకా ||

శ్లోకం వివరణ :

పుణ్యకీర్తి - మంచి లేదా పవిత్రమైన యశస్సు కలది.
పుణ్యలభ్యా - సదుద్దేశంతో చేసే పవిత్ర సత్కార్యాల వలన పొందబడునది.
పుణ్య శ్రవణ కీర్తనా - పుణ్యప్రథమైన వాక్కులను వినుటకు, కీర్తనము చేయుటకు అవకాశము కలుగజేయునది.
పులోమజార్చితా - పులోముని కూతురైన శచీదేవిచే ఆరాధింపబడింది.
బంధమోచనీ - అన్ని రకాల బంధనాల నుండి విముక్తి కలుగజేయునది.
బంధురాలకా - అందమైన చిక్కనైన ముంగురులు కలది.