శ్లోకం 69

పురుషార్థప్రదా పూర్ణా భోగినీ భువనేశ్వరీ |
అంబికాఽనాదినిధనా హరిబ్రహ్మేంద్రసేవితా ||

శ్లోకం వివరణ :

పురుషార్థప్రదా - పురుషునకు కావలసిన ప్రయోజనములను చక్కగా ఇచ్చునది.
పూర్ణా - పూర్ణురాలు.
భోగినీ - భోగములను అనుభవించునది లేదా భోగములను ఇచ్చునది.
భువనేశ్వరీ - చతుర్దశ భువనములకు అధినాథురాలు.
అంబికా - తల్లి.
అనాదినిధనా - ఆది, అంతము లేనిది.
హరిబ్రహ్మేంద్ర సేవితా - విష్ణువు చేత, బ్రహ్మ చేత, ఇంద్రుని చేత సేవింపబడునది.