శ్లోకం 94

కుమార గణనాథాంబా తుష్టిః పుష్టి ర్మతి ర్ధృతిః |
శాంతి స్వస్తి మతీ కాంతి ర్నందినీ విఘ్ననాశినీ ||

శ్లోకం వివరణ :

కుమార గణనాథాంబా - కుమారస్వామికి, గణపతికి తల్లి అయినది.
తుష్టిః - తృప్తి, సంతోషముల రూపము.
పుష్టిః - సమృద్ధి స్వరూపము.
మతిః - బుద్ధి
ధృతిః - ధైర్యము.
శాంతిః - తొట్రుపాటు లేని నిలకడతనము గలది.
స్వస్తిమతీ - మంచిగా లేదా ఉండవలసిన విధానములో ఉండు మనోలక్షణము గలది.
కాంతిః - కోరదగినది.
నందినీ = ఆనందిని అంటే ఆనందమును అనుభవించునది.
విఘ్ననాశినీ - విఘ్నములను నాశము చేయునది