శ్లోకం 89

శివప్రియా శివపరా శిష్టేష్టా శిష్టపూజితా |
అప్రమేయా స్వప్రకాశా మనోవాచామగోచరా ||

శ్లోకం వివరణ :

శివప్రియా - శివునికి ఇష్టమైనది.
శివపరా - శివుని పరమావధిగా కలిగినది.
శిష్టేష్టా - శిష్టజనులు అనగా సజ్జనుల యందు ఇష్టము గలిగినది.
శిష్టపూజితా - శిష్టజనుల చేత పూజింపబడునది.
అప్రమేయా - ప్రమాణము లేనిది; ప్రమాణములకు లొంగనిది.
స్వప్రకాశా - తనంతట తానే ప్రకాశించునది.
మనోవాచామగోచరా - మనస్సు చేత వాక్కుల చేత గోచరము కానిది అనగా గ్రహింప వీలుకానిది.