Books

భానుమండలమధ్యస్థా భైరవీ భగమాలినీ |
పద్మాసనా భగవతీ పద్మనాభసహోదరీ || 

శ్లోకం వివరణ :

భానుమండల మధ్యస్థా - సూర్య మండలములో కేంద్రము వద్ద ఉండునది.
భైరవీ - భైరవీ స్వరూపిణి.
భగమాలినీ - వెలుగుతూ గమనము చేయువారిచే హారముగా అగుపించునది.
పద్మాసనా - పద్మమును నెలవుగా కలిగినది.
భగవతీ - భగశబ్ద స్వరూపిణి.
పద్మనాభ సహోదరీ - విష్ణుమూర్తి యొక్క సహోదరి.

సుప్తా ప్రాజ్ఞాత్మికా తుర్యా సర్వావస్థావివర్జితా |
సృష్టికర్త్రీ బ్రహ్మరూపా గోప్త్రీ గోవిందరూపిణీ ||

శ్లోకం వివరణ :

సుప్తా - నిద్రావస్థను సూచించునది.
ప్రాజ్ఞాత్మికా - ప్రజ్ఞయే స్వరూపముగా గలది.
తుర్యా - తుర్యావస్థను సూచించునది.
సర్వావస్థా వివర్జితా - అన్ని అవస్థలను విడిచి అతీతముగా నుండునది.
సృష్టికర్త్రీ - సృష్టిని చేయునది.
బ్రహ్మరూపా - బ్రాహ్మణ లక్షణము గల రూపము గలది.
గోప్త్రీ - గోపన లక్షణము అనగా సంరక్షణ లక్షణం కలది.
గోవిందరూపిణీ - విష్ణుమూర్తితో రూప సమన్వయము కలది.

పంచప్రేతాసనాసీనా పంచబ్రహ్మస్వరూపిణీ |
చిన్మయీ పరమానందా విజ్ఞానఘనరూపిణీ ||

శ్లోకం వివరణ :

పంచప్రేతాసనాసీనా - పంచప్రేతలైన బ్రహ్మ, విష్ణు, రుద్ర, ఈశ్వర, సదాశివులను ఆసనముగా కలిగి ఆసీనులైనది.
పంచబ్రహ్మస్వరూపిణీ - పంచబ్రహ్మల స్వరూపమైనది.
చిన్మయీ - జ్ఞానముతో నిండినది.
పరమానందా - బ్రహ్మానంద స్వరూపము లేక నిరపేక్షకానంద రూపము.
విజ్ఞానఘనరూపిణీ - విజ్ఞానము, స్థిరత్వము పొందిన రూపము గలది.

మనువిద్యా చంద్రవిద్యా చంద్రమండలమధ్యగా |
చారురూపా చారుహాసా చారుచంద్రకళాధరా || 

శ్లోకం వివరణ :

మనువిద్యా - మనువు చేత ఉపాసింపబడిన విద్యారూపిణి.
చంద్రవిద్యా - చంద్రుని చేత ఉపాసింపబడిన విద్యారూపిణి.
చంద్రమండలమధ్యగా - చంద్ర మండలములో మధ్యగా నుండునది.
చారురూపా - మనోహరమైన రూపము కలిగినది.
చారుహాసా - అందమైన మందహాసము కలది.
చారుచంద్రకళాధరా - అందమైన చంద్రుని కళను ధరించునది.