నిష్కారణా, నిష్కళంకా, నిరుపాధిః, నిరీశ్వరా |
నిరాగా, రాగమథనీ, నిర్మదా, మదనాశినీ | |
శ్లోకం వివరణ :
నిష్కారణా - ఏ కారణము లేనిది.
నిష్కళంకా - ఎటువంటి దోషము లేదా పాపము లేనిది.
నిరుపాధిః - ఏ విధమైన అవిద్యా సంబంధమైన ఉపాధులు లేనిది.
నిరీశ్వరా - ఇంకా తనను పైన ప్రభువు అనువారెవరూ లేనిది.
నిరాగా - రాగము అనగా కోరికలు లేనిది.
రాగమథనీ - రాగమును పోగొట్టి, వైరాగ్యమును కలుగుజేయునది.
నిర్మదా - మదము లేనిది.
మదనాశినీ - మదమును పోగొట్టునది
నిత్యముక్తా, నిర్వికారా, నిష్ప్రపంచా, నిరాశ్రయా |
నిత్యశుద్ధా, నిత్యబుద్ధా, నిరవద్యా, నిరంతరా | |
శ్లోకం వివరణ :
నిత్యముక్తా - ఎప్పుడును సంగము లేనిది.
నిర్వికారా - ఏ విధమైన వికారములు లేనిది.నిష్ప్రపంచా - ప్రపంచముతో ముడి లేనిది.
నిరాశ్రయా - ఆశ్రయము లేనిది లేదా అవసరము లేనిది.
నిత్యశుద్ధా - ఎల్లప్పుడు శుద్ధమైనది.
నిత్యబుద్ధా - ఎల్లప్పుడు జ్ఞాన స్వరూపురాలు.
నిరవద్యా - చెప్పరానిది అంటూ ఏమీ లేనిది లేదా నిందించుటకూ ఏదీ లేనిది.
నిరంతరా - ఏ మాత్రము సందు లేకుండా అంతటా వ్యాపించింది
నిర్లేపా, నిర్మలా, నిత్యా, నిరాకారా, నిరాకులా |
నిర్గుణా, నిష్కళా, శాన్తా, నిష్కామా, నిరుపప్లవా | |
శ్లోకం వివరణ :
నిర్లేపా - కర్మ బంధములు అంటనిది.
నిర్మలా - ఏ విధమైన మలినము లేనిది.
నిత్యా - నిత్య సత్య స్వరూపిణి.
నిరాకారా - ఒక ప్రత్యేకమైన ఆకారము లేనిది.
నిరాకులా - భావ వికారములు లేనిది.
నిర్గుణా - గుణములు అంటనిది.
నిష్కలా - విభాగములు లేనిది.శాంతా - ఏ విధమైన ఒడిదుడుకులు, తొట్రుపాటు లేనిది.
నిష్కామా - కామము, అనగా ఏ కోరికలు లేనిది.
నిరుపప్లవా - హద్దులు ఉల్లంఘించుట లేనిది.
శాంకరీ, శ్రీకరీ, సాధ్వీ, శరచ్చంద్ర నిభాననా |
శాతోదరీ, శాన్తిమతీ, నిరాధారా, నిరంజనా | |
శ్లోకం వివరణ :
శాంకరీ - శంకరుని భార్య.
శ్రీకరీ - ఐశ్వర్యమును ఇచ్చునది.
సాధ్వీ - సాధు ప్రవర్తన గల పతివ్రత.
శరచ్చంద్ర నిభాననా - శరత్కాలము లోని చంద్రునితో సమానమైన వదనము గలది.
శాతోదరీ - కృశించిన లేదా సన్నని పొట్ట గలిగినది.
శాంతిమతీ - శాంతి గలది.నిరాధారా - ఆధారము లేనిది.
నిరంజనా - మాయా సంబంధమైన అజ్ఞానపు పొరలేని దృష్టి గలది.
భక్తప్రియా, భక్తిగమ్యా, భక్తివశ్యా, భయాపహా |
శామ్భవీ, శారదారాధ్యా, శర్వాణీ, శర్మదాయినీ | |
శ్లోకం వివరణ :
భక్తప్రియా - భక్తుల యెడ ప్రేమ, వాత్సల్యము గలది.
భక్తిగమ్యా - భక్తికి గమ్యమైనటువంటిది.
భక్తివశ్యా - భక్తికి స్వాధీనురాలు.
భయాపహా - భయములను పోగొట్టునది.
శాంభవీ - శంభుని భార్య.
శారదారాధ్యా - సరస్వతిచే ఆరాధింపబడునది.
శర్వాణీ - శర్వుని భార్య.
శర్మదాయినీ - శాంతిని, సుఖమును ఇచ్చునది.
భవానీ, భావనాగమ్యా, భవారణ్య కుఠారికా |
భద్రప్రియా, భద్రమూర్తిః, భక్తసౌభాగ్య దాయినీ | |
శ్లోకం వివరణ :
భవానీ - భవుని భార్య.
భావనాగమ్యా - భావన చేత పొంద శక్యము గానిది.
భవారణ్య కుఠారికా - సంసారమనెడు అడవికి గండ్రగొడ్డలి వంటిది.
భద్రప్రియా - శుభములు, శ్రేష్ఠములు అయిన వాటి యందు ఇష్టము కలిగినది.
భద్రమూర్తిః - శుభమైన లేదా మంగళకరమైన స్వరూపము గలది.
భక్త సౌభాగ్యదాయినీ - భక్తులకు సౌభాగ్యమును ఇచ్చునది.
తటిల్లతాసమరుచిః, షట్చక్రోపరిసంస్థితా |
మహాసక్తిః, కుండలినీ, బిసతంతు తనీయసీ | |
శ్లోకం వివరణ :
తటిల్లతా సమరుచిః - మెఱపుతీగతో సమానమగు కాంతి గలది.
షట్చక్రోపరి సంస్థితా - ఆరు విధములైన మూలాధారాది చక్రముల యొక్క పైభాగమందు చక్కగా నున్నది.
మహాసక్తిః - బ్రహ్మమునందు ఆసక్తి గలది.కుండలినీ - పాము వంటి ఆకారము గలది.
బిసతంతు తనీయసీ - తామరకాడలోని ప్రోగువలె సన్నని స్వరూపము గలది.
ఆజ్ఞాచక్రాంత రాళస్థా, రుద్ర గ్రంథి విభేదినీ |
సహస్రారాంబుజారూఢా, సుధాసారాభివర్షిణీ | |
శ్లోకం వివరణ :
ఆజ్ఞాచక్రాంతళస్థా - ఆజ్ఞాచక్రము యొక్క మధ్యలో ఉండునది.
రుద్రగ్రంథి విభేదినీ - రుద్రగ్రంథిని విడగొట్టునది.
సహస్త్రారాంభుజారూఢా - వెయ్యి దళములు గల పద్మమును అధిష్టించి యున్నది.
సుధాసారాభివర్షిణీ - అమృతము యొక్క ధారాపాత వర్షమును కురిపించునది.
మూలాధారైక నిలయా, బ్రహ్మగ్రంథి విభేదినీ |
మణిపూరాంత రుధిరా, విష్ణుగ్రంథి విభేదినీ | |
శ్లోకం వివరణ :
మూలాధారైక నిలయా - మూలాధార చక్రమే ముఖ్యమైన నివాసముగా గలది.
బ్రహ్మగ్రంథి విభేదినీ - బ్రహ్మగ్రంథిని విడగొట్టునది.
మణిపూరాంతరుదిరా - మణిపూర చక్రము యొక్క లోపలి నుండి ఉదయించునది లేదా ప్రకటమగునది.
విష్ణుగ్రంథి విభేదినీ - విష్ణుగ్రంథిని విడగొట్టునది
కులాంగనా, కులాంతఃస్థా, కౌలినీ, కులయోగినీ |
ఆకులా, సమయాంతఃస్థా, సమయాచార తత్పరా | |
శ్లోకం వివరణ :
కులాంగనా - కుల సంబంధమైన స్త్రీ.
కులాంతఃస్థా - కులము యొక్క మద్యములో ఉంది.
కౌలినీ - కులదేవతల రూపంలో ఆరాధింపబడునది.
కులయోగినీ - కుండలినీ యోగ దేవతా స్వరూపిణి.
అకులా - అకులా స్వరూపురాలు లేదా కులము లేనిది.
సమయాంతఃస్థా - సమయాచార అంతర్వర్తిని.
సమయాచార తత్పరా - సమయ అనే ఆచారములో ఆసక్తి కలది.
Chat (1)