Books

విశ్వాధికా వేద విద్యా వింధ్యాచల నివాసినీ |
విధాత్రీ వేదజననీ విష్ణుమాయా విలాసినీ ||

శ్లోకం వివరణ :

విశ్వాధికా - ప్రపంచమునకు మించినది అనగా అధికురాలు.
వేదవేద్యా - వేదముల చేత తెలియదగినది.
వింధ్యాచలనివాసినీ - వింధ్యపర్వత ప్రాంతమున నివాసము గలది.
విధాత్రీ - విధానమును చేయునది.
వేదజననీ - వేదములకు తల్లి.
విష్ణుమాయా - విష్ణుమూర్తి యొక్క మాయా స్వరూపిణి.
విలాసినీ - వినోదాత్మక, క్రీడాత్మక లక్షణము గలది.

కామ్యాకామ కలారూపా కదంబకుసుమప్రియా |
కల్యాణీ జగతీకంధా కరుణారస సాగరా ||

శ్లోకం వివరణ :

కామ్యా - కోరదగినటువంటిది.
కామకళారూపా - కామేశ్వరుని కళయొక్క రూపమైనది.
కదంబకుసుమప్రియా - కడిమి పువ్వులయందు ప్రేమ కలిగినది.
కళ్యాణీ - శుభ లక్షణములు కలది.
జగతీకందా - జగత్తుకు మూలమైనటువంటిది.
కరుణా రససాగరా - దయాలక్షణానికి సముద్రము వంటిది.

రాజారాజార్చితా రాజ్నీ రమ్యా రాజీవలోచనా |
రంజనీ రమణీ రస్యా రణకింకిణిమేఖలా ||

శ్లోకం వివరణ :

రాజరాజార్చితా - రాజులకు రాజులైన వారిచేత అర్చింపబడునది.
రాజ్ఞఈ - రాణి.
రమ్యా - మనోహరమైనది.
రాజీవలోచనా - పద్మములవంటి కన్నులు కలది.
రంజనీ - రంజింప చేయునది లేదా రంజనము చేయునది.
రమణీ - రమింపచేయునది.
రస్యా - రస స్వరూపిణి.
రణత్కింకిణి మేఖలా - మ్రోగుచుండు చిరుగజ్జెలతో కూడిన మొలనూలు లేదా వడ్డాణము గలది.

పురుషార్థప్రదా పూర్ణా భోగినీ భువనేశ్వరీ |
అంబికాఽనాదినిధనా హరిబ్రహ్మేంద్రసేవితా ||

శ్లోకం వివరణ :

పురుషార్థప్రదా - పురుషునకు కావలసిన ప్రయోజనములను చక్కగా ఇచ్చునది.
పూర్ణా - పూర్ణురాలు.
భోగినీ - భోగములను అనుభవించునది లేదా భోగములను ఇచ్చునది.
భువనేశ్వరీ - చతుర్దశ భువనములకు అధినాథురాలు.
అంబికా - తల్లి.
అనాదినిధనా - ఆది, అంతము లేనిది.
హరిబ్రహ్మేంద్ర సేవితా - విష్ణువు చేత, బ్రహ్మ చేత, ఇంద్రుని చేత సేవింపబడునది.